ek verlang na julle vandag so (on)lekker eina erg en ek weet al weer nie meer hoe om my verse op die blogger te kry want almal wil in draft-vorm bly almal wil net in gewone sneesdoeke verdrink of so snotterig opgevou word. nie een weet meer wat hulle eintlik wil sê en wat eintlik hier broei. so ek tik nou ouderwets net 'n kort boodskappie. kyk dis sowaar nie 'n sms of 'n e-pos of anner poste en hoë huil note en rukkende snikke of sinne dis nie eers op mns of yahoo of google of skype of ingeprent op facebook nie dis maar net ek hier op die vreemde geleende papier. met letterkies wat rondgeskommel is en ek hoop van harte iemand sal al die harde papiere waarop my hart uitgeskryf lê eendag kan versamel en in die dekselse bundel kom dig want my hart kan nie in die digte bundels uitgeskryf word en als lê om my gestrooi en ek weet vandag weer soos altyd maar ek weet eintlik so verdeksels niks maar ek voel ek voel ek voel dit verseker ja ek verlang my byna so byna dood. as hierdie nie vir jou sin maak is ons op dieselfde plek of dalk myle van mekaar

dan groet ek maar weer
xxx