my hart hunker na plaas
ek sug
na vars geploegde grond, reuke van groei wat hang in die lug
die dreuning van dansende druppels op die dak
en oral oor
soos in my hart
my lyf jeuk vir dinge
soos perdry
kleilat gooi en windbuks skiet
kallers voer, hanslam bottelbors bederf
my hande vir koeksisters vleg
heuningkoeke swaai
en die pluk-pluk van granaat in die laan
na grypryp koringare
vir ouma se portaal
ek wens vir 'n dag
soos anderjaar
op die familiewerf
Subscribe to:
Post Comments (Atom)
No comments:
Post a Comment