Woorde het my nog altyd gefassineer. Hulle het hul eie manier – soms werk hul gladdebek saam, soms moet ék harder werk, soms hol hul weg, soms maak hul my wakker in die nag en moet ek eers aandag gee, voor ek verder rus kan kry! Van my versies is oor dinge wat ek regtig self beleef, van hulle het ek ervaar deur mense na aan my, party dink ek uit of verbeel my sowaar ek weet, baie ander ontwyk my nog. Ek deel my versies graag met jou en sal jou kommentaar waardeer...
hier lê Issues nou
laaste asem uitgeblaas
kom grawe die gate
een vir een groot genoeg
elkeen op of onder sy maat
help bêre wat was
laat spoke ten gronde gaan
om nou en verder vir altyd te rus
ons begraaf hul nou
ons gooi hul met kluite toe
hul sal nooit weer op kan staan
ons dans oorwinning
dans dat die stof so staan
dans tot die stof loop lê
Issues is dood
ek lewe vry
issue- en tissueloos
3 comments:
3 uit 5
as almal maar sooo kon vergeef..
diep,...sluk...in die Pottebakker se hand.(is daar mense op aarde sonder issues?... mag almal die genade ontvang om ook so fees te kan hou)
Post a Comment