Woorde het my nog altyd gefassineer. Hulle het hul eie manier – soms werk hul gladdebek saam, soms moet ék harder werk, soms hol hul weg, soms maak hul my wakker in die nag en moet ek eers aandag gee, voor ek verder rus kan kry! Van my versies is oor dinge wat ek regtig self beleef, van hulle het ek ervaar deur mense na aan my, party dink ek uit of verbeel my sowaar ek weet, baie ander ontwyk my nog. Ek deel my versies graag met jou en sal jou kommentaar waardeer...
as jy nou hier
langs my
sal ek jou hand in myne neem
jou eina kyk se traanspoor vee
jou ore pleister teen die seer
jou toevou met my lyf se druk
my hart se uitreik by jou los
kom sit dan nou
kom sit dan hier
kom sit hierso so
ek wil jou troos
tot jy later
self jou druk
terug kan gee
en nog later
jy weer
4 comments:
Baie mooi
2 uit 5
bundelhom
jy kan! geseend is die wat jou pad kruis en op hierdie wyse troos van jou kan ontvang.
Post a Comment