Woorde het my nog altyd gefassineer. Hulle het hul eie manier – soms werk hul gladdebek saam, soms moet ék harder werk, soms hol hul weg, soms maak hul my wakker in die nag en moet ek eers aandag gee, voor ek verder rus kan kry! Van my versies is oor dinge wat ek regtig self beleef, van hulle het ek ervaar deur mense na aan my, party dink ek uit of verbeel my sowaar ek weet, baie ander ontwyk my nog. Ek deel my versies graag met jou en sal jou kommentaar waardeer...
ek kon weer
binne my vel inklim
hier binne voel
losser kom sit
en weet
ek leef!
my voete se sleep
het weer
sy huppel ingestap
en ek weet
ek’s heel
my mond se kla
het weer
stroopsoet geproe
en ek weet
ek’s heel
my lag se snik
het weer
vrolik kom klok
en ek weet
ek’s heel
my hart se klop
is weer
pompend aangesit
en ek weet
weer
ek’s heel
my hande se tas
het weer
welkomtuis aangekom
en ek weet
ek weet weer
ek’s heel
ek
binne my lyf
ek leef! weer
3 comments:
3 uit 5
bundelhom
mooooi.wat 'n lekker wakker word.
holisties heel.
Post a Comment