Woorde het my nog altyd gefassineer. Hulle het hul eie manier – soms werk hul gladdebek saam, soms moet ék harder werk, soms hol hul weg, soms maak hul my wakker in die nag en moet ek eers aandag gee, voor ek verder rus kan kry! Van my versies is oor dinge wat ek regtig self beleef, van hulle het ek ervaar deur mense na aan my, party dink ek uit of verbeel my sowaar ek weet, baie ander ontwyk my nog. Ek deel my versies graag met jou en sal jou kommentaar waardeer...
as eggo weer klank
sy g of sy gô verloor
gaan die eggo dood
word hy ego of opreg
as net die o wegval
het die fan gestrike
sit ons almal geel
eier op die gesig
eers as hy tot eg geslaan is
sal ons gestrip gaan staan
stil word en luister
! oor ons sy stem
ophou speel met klankies
dan
sonder sy alter een
op sy regte egte naam
5 comments:
eg.ontledend.alternatief.dieper insig kom duidelik deur.opneem in bundel nie onderhandelbaar.
Snaaks hoe versies soms erg laf begin en dan hoor ek, soos nou, dit het wel dieper insig, en dan weet ek dis waarskynlik omdat dit uit ‘n ander een gebore is wat nie wou klaarkom nie, toe word dit maar die een….
Dis wat my versies met my maak – hulle bring my by punte waar ek nie sommer anders sou uitkom nie, ook nie beplan het nie, hoewel baie daarvan half surreal bly vir my, dis so asof dit heeltyd ‘n verwerkingsproses bly, maar darem nou al heel makliker as aan die begin. Behalwe soms, soms vang dit my nog ergggg!
Ek vermoed hier kon dalk nog sinspeling op eg. soos die ingelse dit sou gebruik in plaas van bv. ingewerk word.
Sal maar annerdag sien.
puik!!!
like hom kwaai
Kwaai goed hierdie!
Post a Comment