Woorde het my nog altyd gefassineer. Hulle het hul eie manier – soms werk hul gladdebek saam, soms moet ék harder werk, soms hol hul weg, soms maak hul my wakker in die nag en moet ek eers aandag gee, voor ek verder rus kan kry! Van my versies is oor dinge wat ek regtig self beleef, van hulle het ek ervaar deur mense na aan my, party dink ek uit of verbeel my sowaar ek weet, baie ander ontwyk my nog. Ek deel my versies graag met jou en sal jou kommentaar waardeer...
hiperbool het
wit lewertjie
parabool
geraak
hiber-neer coolkoud
para-deer kookwarm
met ‘n g-string
hiper hipper hipste
para parra onder graaf
tot in die bool se holte
tot in die see se loop
[dis nie 'n hartseer storie]
die antie sonne die pantie
het merrie oom op die partie
klein woensdag klein
saterdag laat word
[dis 'n skokkende verhaal]
5 comments:
Baie goed, maar nie my persoonlike smaak nie. Hou nie baie vd herhalende woordspelings met klanke nie. Laaste strofe werk uiters goed, skerp !!!
3 uit 5
ek dink hierdie gedig is heel besonders.ek voel hier die ritmes soos in haar "Bitterbessie dagbreek" waar herhaling juis effektief aangewend word.
wel gedaan.leesbaar ,publiseerbaar
(sou Ingrid kon skryf soos sy geskryf het as haar
pa minder afsydig teenoor haar was ?)
Dat ek nou aanmekaar moet voel ek moet ook kommentaar!! DOEN versmakers dit - te kommentaar op hul eie verse? genade tog, dan maar net dit: ek weet bittermin van IJ - het wel Altyd Jonker einde 2006 op Stellenbosch in de oude Libertas ervaar, en was half deurmekaar geruk daardeur, so daarom en sekerlik nog omrede van heelwat ander goed ook, het ek die eers gister kon skryf. Nou weet julle dit, maar eintlik weet julle (of ons) nog steeds bitter min, amper niks. nee Kazi ek dink die antwoord is nee sy sou nie kon nie, sy sou bes moontlik nie nodig gehad het nie... weird nê, maar nouja dis ook maar net my mening :-)
die tydveskil maak my gek, kom heeltyd laaste op die blogplek.Moet bieg ken IJ van geen vaderskant wel vir AJ tot 'n mate goed.Het gedink dis vrek goed 'k like hom van bo tot onderuit!
sorry miskien net nog dit , die tannie sonder broek het my aandag afgetrek! moes toe nog 'n keer van voor na agter lees om die keer die eeste deel ook net weer te waardeer
Post a Comment