Versugting

Here lei my tog

ek wil nou en hier

uit die kring ontsnap

die sirkel breek

voor begin

eindig sonder end

Here help my hier

ek wil in jou oë kyk

sien jy begryp

en laat los

sonder vryval

oor ons in Sy hand bly rus

Here help my tog

ek wil saam met jou kan sit

sonder donker komplikasies

ongekompliseerd

vriendskap met jou deel

en Jesusliefde en hoop

Here wys my hier

ek wil so graag jou mening hoor

deel in jou verstaan, myne verder brei

jou digsels en my verse slypskool

tot ‘n dansende bundel vol

ons deel iets wat ek nie begryp

Here wys my tog

waar lê my vergissing dan

is dit my dan nie beskore nie?

is dit dan dit, dat ek vandag hier

moet neerlê en nie verder wil

Here ek neem U hand

lei my hier