verkrag
julle het nóg
onbekende klanke
met letters geplant
vrugbaar saad kom stort
[ek ruik die losgrond nog]
in ons kosbare Vader!land
woordeFlora groei en besmet
vervuil in ons gekaapte Moeder!taal
[ek sien helder kleure ek proe sappige vrug]
met onkruide wat hittige harde werke eerlik skep
vir minder ou askiestog! bevoorregtes wat brom en kap
takke wat indring op die uitroeilys W1-3 herhalend verskyn
ons laat ons kinders (on)verskonend opgroei op sinnelike frases
strofe voort tot ons geskok begryp wat hier geskep vermink bestaan
‘n
[hoor my roggel hoor die geluid] ek is en was geliefde taal deur julle misbruik
vrugbaar in my Vaderland
vreemde woorde flora
vol soos saad in my mond
[amper soos in-die-bek-geruk]
die vraag
[behalwe natuurlik of vraag ook aanbod oorskrei]
die vraag is steeds
sal ek sluk [en laat ontkiem]?
sal ek spoeg [en verder besmet]?
agterna die seep gebruik
nog listermint gaan koop
[en my hande ook in onskuld was]
barend in my Moedertaal
NS
dalk is kots die antwoord
so sal alles dan mos uit?!
dis net: kots kom vanself
anders word dit bulimie
teer ons in elk geval uit
kotsend skotvry kotsloos
6 comments:
Jy skryf nou pragtig......( rassis???)
5 uit 5
sterk stem van die taalstrydlustige...mooi genoeg vir verspreiding via die drukpers.
enige janrapensymaat praat mos deesdae sy eie "Afrikaans". selfs die Sowetoklas van 1975. daarom wil ek voorstel ons herdoop die oorspronklike Afrikaans, gebore uit Hoog Hollands , na "Afrigermaans" voordat Fanagalo as die enigste amptelike landstaal wettig word.
"so moet 'n mond mos praat"lyk na kindertuin taal vergelykend met die taal van die stuk! Puik!Keuses van die woorde wat beelde skep uitstekend!
10/10 vir kazi se 'Afrigermaans'
Anon - dankie vir jou kommentaar - jy weet ek waardeer! rassis? nee glad nie! - dalk sê of lees jy iets oor jouself hier raak?
Kazi - ek teken amptelik apologie aan vir die leen van jou "agsiestog agtergblewenes" - die plaasvervanger(s) ontwyk my nog! verskoning dus tot tyd en wyl - by gebrek sal ek die opbrengs wat die mag bring ook met jou deel ;-)
eozi - so 'n bek gaan jam kry!Dankie! en ja kazi kry ook my stem.
My lief, dié woorde is bo my vuurmaakplek. Ek kan voel (e: "sense") dat jy iets vertel van ons taal en ons bestaan wat besonders is, maar kan dit nie eers naastenby verstaan nie. Jy weet dat ek jou talent bewonder.
Kazi - hiermee onthef ek nou myself van die verskonende plagiaat of openlike "leen" - toe word dit 'minder askiestog bevoorregtes'. Dink nog joue was beter, maar nouja uit respekte doen ek nou die 'regte' ding ;-) Dankie vir die tydjie wat jy ingestaan het vir my - gaan dalk weer nodig wees, maar ek sal nie net vat, ek sal probeer onthou om te vra.
Post a Comment